Лига на Шампиони | Атлетико Мадрид ќе се обиде да ја анулира негативата од првиот меч против Барселона која не планира да запре во четвртфиналето од ЛШ, Бенфика брка изненадување против Баерн Минхен...
Натпреварите помеѓу Атлетико Мадрид и Барселона секогаш носат голема борба на теренот исполнета со жар, пасија, но и контроверзи.
Така беше на првиот натпревар, така се очекува да биде и вечерва на „Висенте Калдерон“ каде Атлетико Мадрид ќе брка негатива од 2-1.
Барселона во Мадрид пристигнува разнишана, игрите и резултатите покажуваат дека Каталонците влегоа во ранлив период, ја нема онаа супериорност која најчесто ги красеше сезонава.
Диего Симеоне ќе се обиде да го искористи тоа, знае како да ги мотивира своите фудбалери, па се наговестува возбудлива шпанска пресметка во Лигата на шампионите.
Атлетико Мадрид ќе биде без Фернандо Торес кој направи глупост на првиот меч и заработи два брзи жолти картони оставајќи го тимот со десет играчи, во комбинација не се и повредените Тиаго и Хименез.
Листата на повредени во Барселона е поголема, Луис Енрике нема да може да смета на Матие, Рафиња, Сандро, Вермален и Видал.
Можни состави:
Атлетико Мадрид: Облак, Хуанфран, Годин, Хернандез, Филипе Луис, Коке, Габи, Агусто, Нигуез, Гризман, Караско
Барселона: Тер Штеген, Алвеш, Пике, Маскерано, Жорди Алба, Бускетс, Ракитиќ, Иниеста, Меси, Нејмар, Суарез
Во Лисабон, Бенфика го пречекува Баерн Минхен кој на Алијанц Арената оствари победа од само 1-0, а тоа го прави интересен и овој меч.
Тренерот на Бенфика нема да може да смета на повредените Жулио Цезар и Лисандро Лопез, Жонас е суспендиран.
Во стројот на Пеп Гвардиола поради повреди не се Боатенг, Бадштубер, Робен и Бенатија.
Можни состави:
Бенфика: Едерсон, Андре Алмеида, Линделоф, Жардел, Елисеу, Фејса, Ренато Санчез, Гаитан, Пици, Раул Хименез, Митроглу
Баерн Минхен: Нојер, Лам, Кимих, Алаба, Бернат, Видал, Тиаго, Коста, Рибери, Милер, Левандовски.
Извор: 24FUDBAL.com.mk
