Англија | Тренерот на Лестер, Клаудио Раниери потврди дека не можел да ги сокрие емоциите по победата на гостувањето кај Сандерленд...



Во интервју за „Газета дело Спорт“, Раниери меѓудругото беше запрашан и за насолзените очи кои сите му ги видоа по крајот на мечот со Сандерленд.

„Не плачев, но точно е, очите ми се насолзија. Тоа беше емоционален момент. Гледајќи ги лицата на нашите фанови, фамилии кои допатуваа да не следат во Сандерленд, ме допре длабоко. Во тој момент ја сфаќате моќта на фудбалот. Не можете да бидете индиферентни“ - вели Раниери.

„Длабоко во себе сум Латинец, имам емоции, но имам и јавна работа, па се обидувам да изгледам трезвено. Треба да му дадам јасни сигнали на мојот тим, не смеам да бидам занесен од емоциите“.

Извор: 24FUDBAL.com.mk