Италија Капитенот на Рома, Франческо Тоти вели дека пред нив сега се пет финалиња откако успеаа да го превзедат врвот од екипата на Интер

Римската Волчица конечно успеа да го симне Интер од врвот на табелата откако Нероаѕурите во саботата одиграа 2-2 против Фиорентина а Рома вчера славеше со 2-1 над Аталанта.

Откако за прв пат Рома се искачи на врвот оваа сезона, Франческо Тоти се пошегува малку и вели дека е ладно поради тоа што се сами на врвот.

“Ладно е поради тоа што сме толку високо.” – рече на шала Тоти.

“Победата над Аталанта ни дозволи да освоиме три бода кои се навистина важни. Едно нешто е сигурно: ќе го дадаме максимумот во преостанатиот дел од сезоната.”

“Од сега до крајот секој натпревар е како финале за нас. Ќе играме со овој дух.”

Рома во еден дел од сезоната заостануваше 14 бода зад Интер но по резултатската криза во која влегоа Нероаѕурите, избраниците на Клаудио Раниери направија фантастичен кам бек.

Powered by: 24 FUDBAL.com.mk