Лига на Шампиони | Кристијано Роналдо сака во полу-финалето од Лигата на Шампионите да ја види Бенфика, клубот од Португалија му се заблагодари на својот сонародник за поддршката...



Реал Мадрид, заедно со Манчестер Сити, вчера се пласираше помеѓу четирите најдобри екипи во Лигата на Шампионите, а денеска ќе бидат познати преостанатите два патника.

Запрашан кого преферира помеѓу Атлетико и Барса како полу-финалист, Кристијано Роналдо изјави дека не може да направи разлика помеѓу двата клуба, но затоа пак истакна дека сака да ја види Бенфика, огромниот ривал на неговиот поранешн клуб Спортинг.

„Атлетико се брани одлично, тешко е да постигнете гол против нив” – вели Роналдо.

„Од друга страна, Барса е еден од најдобрите тимови во Европа. Па не е лесно да одберете еден од нив. И Атлетико и Барса се тешки противници”.

„Јас би ја одбрал Бенфика, тим од Португалија”.

По ваквата изјава се огласи клубот од Естадио Да Луж, кој на социјалните мрежи напиша: „Благодариме за поддршката CR7! Ја покажа својата класа”.

Извор: 24FUDBAL.com.mk