Англија | Неверојатно звучи, но играчот на Њукасл, Џонџо Шелви има поголема неделна плата од ѕвездата на Барселона, Нејмар...



Синоќа беше обелоденет договорот на Нејмар со Барселона, а според него Бразилецот добива 77.000 фунти неделна плата. Крајната сума која ја добива за една сезона е многу поголема поради бројни клаузули, но платата му е помала од многу други фудбалери.

Вчера излезе и сторија дека доколку Њукасл испадне, Џонџо Шелви ќе ја задржи сегашната своја плата која изнесува 80.000 фунти неделно.

Па фудбалските фанови на социјалните мрежи ги споија овие две сознанија и се шегуваа со фактот дека Џонџо Шелви има поголема плата од Нејмар, кој можеби е третиот најдобар фудбалер во светот во моментов.

Извор: 24FUDBAL.com.mk