Македонија | Македонскиот репрезентативец нема да тренира со тимот и нема да биде во комбинација за наредните натпревари...



Лоша вест од Словенија. Агим Ибраими доби суспензија од својот Марибор поради нарушување на карантинот пред натпреварот со Домжале.

Марибор синоќа го пречека и победи Домжале со 2:1, а нашиот репрезентативец не беше ниту на клупата. Причината била дека клубот го суспендирал поради тоа што во петокот вечерта самоволно го напуштил карантинот со што ги прекршил клупските наредби.

Словенечкиот клуб на својот веб сајт објави соопштение во кое стои дека поради непрофесионалниот однос Ибраими е суспендиран и моменталниот став на клубот е дека тој нема ниту да тренира ниту да биде во комбинација за натпреварите.

Спортскиот директор Златко Захович не сакаше да дава детали, туку само кратко истакна дека „Ова е наш интерен проблем и поради тоа ќе го решиме внатре во клубот, како што и секогаш сме правеле при вакви ситуации.“

Извор: 24FUDBAL.com.mk