ЕУРО 2016 | Францускиот весник „Либерасион“ пишува дека ИСИС планира напади во Франција за време на Европското првенство во фудбал кое се одржува од 10. јуни до 10 јули...



Ваквите информации доаѓаат од Мохамед Абрини кој беше уапсен минатата недела во Белгија по терористичкиот напад во Брисел.

Абрини открил дека се планираат напади за време на Европското првенство. Весникот „Либерасион“ цитира извор од полицијата.

„Не е ексклузивна вест тоа што терористите сакаа да нападнат за време на Европското. Нашите сили постојано развиваат сценарија и начини на одговор“ - вели извор од француската полиција.

„Ако исказите на Абрини се точни, тоа само го потврдува фактoт дека Белгија им е една оперативна база која треба уште поинтензивно да се надгледува. Мрежите и келиите на Џихадистите таму се создаваат најмалку десет години“.

Извор: 24FUDBAL.com.mk