Англија | Според пишувањата на германски „Кикер“, екипата на Манчестер јунајтед пројавила интерес за ангажирање на 33 годишниот дефанзивец на Волфзбург...



Иако одбраната на Манчестер јунајтед во оваа сезона има примено само 27 голови во 31 коло, според што се втори по Тотенхем кои имаат примено 25, сепак нивната одбрана е составена од млади играчи, на кои им фали искуство и водич.

Овие карактеристики управата на „црвените ѓаволи“ ги препознала во бразилскиот дефанзивец од Волфзбург, Налдо, кој блескаше на мечот против Реал Мадрид.

Фактот што неговиот договор истекува следното лето, а и тоа што има 33 години, може да значат дека управата на Јунајтед може да го донесе овој дефанзивец релативно евтино.

Проблем за Налдо може да биде што нема искуство во Премиерлигата, но игра во Бундес уште од 2005, каде што седум сезони го носеше дресот на Вердер Бремен, а од 2012 е во Волфзбург.

Извор: 24FUDBAL.com.mk