Шпанија | Актуелниот европски шампион успеал да ги договори условите со младиот бразилски дефанзивец, останува уште да ги убедат во ПСЖ...



Како што пишуваат европските медиуми, на состанок во Мадрид, агентот на младиот Маркињос се сретнал со претставници од Барселона и договориле годишна плата од 4.5 милиони евра, како и 3 милиони евра бонус.

Според „Гол“, Барселона е спремна да плати 45 до 50 милиони евра, но проблемот е управата на парискиот тим, кои се одлучни да го задржат поранешниот играч на Рома, кој има договор до 2019 година.

Бразилскиот талент е разочаран оваа сезона од времето кое што го добива во ПСЖ, но и од фактот дека често игра на други позиции.

Извор: 24FUDBAL.com.mk