Англија | Весникот „Сан“ тврди дека Жозе Мурињо е во потрага по куќа во Чешир, област во Манчестер, Португалецот се подготвува за превземање на кормилото на Јунајтед...



Мурињо ангажирал агент кој му бара соодветна куќа во Чешир, гласина која ја зголемува веројатноста дека тој ќе биде следниот менаџер на Манчестер јунајтед.

Жозе Мурињо има вербален договор со Манчестер јунајтед дека ќе го наследи Ван Гал кога сезоната ќе заврши.

Сепак во последниот период различни шпекулации пристигнуваат од медиумите, некои поврзуваат други имиња со Јунајтед, трети пак тврдат дека Ван Гал ќе остане.

Ваквите пишувања го натерале Мурињо да побара и писмена гаранција од Јунајтед дека тој сигурно ќе биде наследникот на Ван Гал.

Се верува дека има различни мислења во раководството на клубот, некои сметаат дека не е потребна промена доколку Јунајтед обезбеди пласман во топ 4, други веруваат дека ако сега се пропушти шансата, Манчестер никогаш понатаму нема да може да го ангажира Мурињо.

Извор: 24FUDBAL.com.mk