Македонија | 18-годишниот Никола Ѓорѓев кој игра во првиот тим на Грасхоперс ќе настапува за македонската фудбалска репрезентација...



Ѓорѓев е офанзивен играч од средниот ред роден на 22. август 1997 година во Баден, Швајцарија и досега настапуваше за младите селекции на оваа земја.

Но по разговорите на луѓе од ФФМ и стручниот штаб на македонската репрезентација со Никола и неговите родители, тој донел одлука да настапува за Македонија.

„Среќен сум што ќе имам можност да бидам дел од репрезентацијата на Македонија. За мене и моето семејство беше многу значајно тоа што претседателот на ФФМ, Илчо Ѓорѓиоски дојде во Швајцарија и влијаеше на одлуката, иако, искрено одсекогаш сакав да настапувам за Македонија“ - изјави Ѓорѓев.

„Сакам да помогнам, варувам дека ќе добијам вистинска шанса и со нетрпение го чекам првиот повик. Веќе две години поради обврски со првиот тим на Грасхоперс не сум бил во Македонија и навистина се радувам што ќе имам можност да дојдам и да бидам дел од репрезентацијата“.

„За мене ова е голем момент, благодарност до луѓето од федерацијата кои на вистински начин ми ја претставија работата во националните тимови и сега ни преостанува заеднички да се трудиме да направиме успеси“.

Неговите родители потекнуваат од струмичко Ново Село, а во Швајцарија се преселени пред повеќе од 25 години.

Извор: 24FUDBAL.com.mk