Англија | Арсен Венгер вели дека во голем број наврати ги следел игрите на Димитри Пајет и објасни зошто не се обиделе да го ангажираат фудбалерот...



Французинот е вистински хит во Премиерлигата откако пред почетокот на сезоната го засили Вест Хем.

Димитри Пајет има 12 погодоци и 11 асистенции зад своето име во сите натпреварувања и важи за едно од најдобрите засилувања во Англија оваа сезона.

Арсен Венгер не е изненаден од играта на неговиот сонародник, вели дека скаути на Арсенал го следеле Димитри Пајет уште во времето кога тој бил играч на Сент Етјен.

„Пајет беше голем талент, но имаше многу искачувања и падови” – вели Арсен Венгер.

„Го имам гледано многу пати. Го познавам многу одамна. Ги следевме неговите игри уште кога го носеше дресот на Сент Етјен”.

„Мислам дека ги има сите потребни атрибути аз да биде топ фудбалер, и би рекол дека веќе е топ фудбалер”.

„Не го ангажиравме бидејќи веќе имаме голем број на квалитетни офанзивни и креативни фудбалери”.

„Го имавме Месут Озил, Санти Казорла, Џек Вилшер, Арон Рамзи. Сигурно заборавив уште неколку”.

„Добро сме покриени на оваа позиција во тимот”.

Извор: 24FUDBAL.com.mk