Италија | Италијанските медиуми ги зголемија шпекулациите за иднината на Симеоне откако тој синоќа изјави дека би сакал да се врати во Интер...



Диего Симеоне еден ден ќе се врати во Интер како тренер, но тоа можеби ќе се случи во некоја подалечна иднина.

Сепак според медиумите во Италија, раководството на Интер го сака Симеоне веднаш и ќе направи се за тој од идната сезона да седне на кормилото.

„Тутоспорт“ пишува дека Роберто Манчини ќе добие отказ откако не ги исполни очекуваните резултати на раководството.

Откако ќе му го врачат отказот на Манчини, ќе направат се за да го донесат Диего Симеоне на тренерското столче.

Потпретседателот на Интер, Хавиер Занети и Диего Симеоне се добри пријатели, па тоа само ги засилува шпекулациите дека желбата на раководството може да се исполни уште ова лето.

Извор: 24FUDBAL.com.mk