Италија | Поради црвениот картон против Удинезе и жестоките протести на адреса на судијата, Гонзало Игуаин доби четири натпревари суспензија...
Шампионските амбиции на Наполи добија силен удар, клубот од Сан Паоло нема да може да смета на својот најдобар голгетер на дуелите со Верона, Интер, Болоња и Рома.
Медиумите од Италија уште вчера во вечерните часови пренесоа дека напаѓачот ќе добие четири натпревари суспензија, а попладнево пристигна и официјална потврда.
Аргентинецот доби еден натпревар суспензија поради црвениот картон, и уште три поради тоа што упатил навреди и неучтив гест кон судијата а имал контактот со делителот на правдата. Напаѓачот исто така агресивно се однесуал кон противнички играч и морал да биде задржан од сопствените играчи.
Гонзало Игуаин ќе треба да плати и парична глоба од 20 000 евра.
Извор: 24FUDBAL.com.mk
