Лига на Шампиони | За жерард Пике нема дилеми, Барса повторно атакува на тројната круна и Атлетико и се една пречка на патот кон таа зацртана цел...



„Ќе пробаме да решиме победникот уште на првиов натпревар, особено после она што се случи во саботата. Ќе дадеме сè од себе и ќе пробаме да постигнеме што е можно повеќе голови.“

Барса во саботата беше шокирана пред своите гледачи откако со пресврт го загуби „Ел Класико“ од Реал Мадрид.

„Секогаш претставува предизвик играњето после пораз. Повторно сакаме да играме брз фудбал, особено против ривал како Атлетико. Сакаме да докажеме дека сè уште сме тимот кој освои сè. Сакаме пак да го освоиме сето тоа.“

Вечерва од 20.45 на „Камп Ноу“ по само три дена следува нов голем натпревар бидејќи Барселона го пречекува Атлетико Мадрид.

„Овој натпревар ќе биде потежок отколку оној в сабота. Атлетико има спектакуларна сезона. Знаат како да се бранат и се одлични во контра нападите. Сè се сведува на тоа како ние ќе одиграме. Ја сакаме да ја имаме топката, да си ја подаваме наоколу и тоа брзо. Сакаме и навивачите да нè поддржат како во саботата. Ако го направат тоа тогаш ќе бидеме незапирливи.“

Извор: 24FUDBAL.com.mk