Шпанија | Новинарот на Скај Спортс, Гиљем Балаге вели дека Реал Мадрид и Кристијано Роналдо ќе се разделат летоска, „Кралевите“ бараат 60 милиони евра за услугите на Португалецот...



Подолго време се говори за заминување на Кристијано Роналдо од Сантијаго Бернабеу, а според Гиљем Балаге двете страни подолго време преговараат за разделбата да помине без проблеми.

„Цела сезона велам дека Роналдо и Реал Мадрид разгледуваат како летоска да ја прекинат соработката” – вели Балаге, кој е експерт на Скај Спортс за шпанскиот фудбал.

„Но проблем е тоа што во овој момент нема клуб кој ќе може финансиски да си го дозволи трансферот”.

„Тоа подразбира околу 60 милиони евра кои ги бара Реал Мадрид како обесштетување и плус платата од 20 до 25 милиони евра годишно што ја бара играчот”.

„ПСЖ сигурно ќе пројави сериозен интерес”.

„Нивната прва цел е Нејмар, но многу потешко е да го ангажираат Бразилецот отколку Роналдо”.

Извор: 24FUDBAL.com.mk