Шпанија Реал Мадрид и Барселона ги објавија списоците со играчите повикани за утрешниот натпревар на Бернабе и Ел Класико ќе биде посиромашно поради неиграњето на Ибра и Кака

Поранешниот играч на Интер, заработи повреда на загревањето пред натпреварот со Атлетик Билбао, што се одигра минатиот викенд на Камп Ноу.

Напаѓачот го пропушти и натпреварот со Арсенал во Лигата на Шампионите а сега ќе го пропушти и дерби дуелот со Реал Мадрид откако не успеа на време да се опорави од повредата на мускулот во десната нога.

Пеп Гвардиола објави список од 19 фудбалер кои ќе патуваат за Мадрид и на него го немаше Златан Ибрахимович но затоа пак во тимот на Барса се врати Жерард Пике.

Шведскиот интернационалец поради повреда беше под знак прашалник и за првото Ел Класико оваа сезона, но тогаш на Камп Ноу влезе во вториот дел од клупата за резерви и го постигна победоносниот погодок.

Покрај Ибра, Пеп не може да смета и на Ерик Абидал, кој се повреди во вторникот на дуелот со Арсенал и ќе отсуствува околу десет дена.

Кај екипата на Реал Мадрид ќе недостасува големот летно засилување, Кака, кој се мачи со повреда на препоните уште од 10ти март.

Пелегрини се надеваше дека Бразилецот ќе настапи на дуелот со Барса но откако плејмејкерот и оваа недела работеше индивидуално, Чилеанецот нема да може да смета на Кака.

По одлежаната суспензија кај Кралевите се враќаат Серхио Рамос и Чаби Алонсо.

Powered by: 24 FUDBAL.com.mk