Англија | „Сините“ кочено потврдија дека Антонио Конте летоска ќе го превзеде кормилото на првиот тим...



Медиумите со месеци пишуваа дека Италијанецот по крајот на сезоната ќе седне на жешкото столче на Стемфорд Бриџ, и Челси сега го потврди ова.

„Челси е задоволен што може да соопшти дека го именуваше Антонио Конте за предводник на првиот тим” – гласеше известувањето на „Сините“.

„Конте, кој во моментов е селектор на Италија, стави потпис на три годишен договор. Ќе започне со работата во Лондон по крајот на ЕУРО 2016”.

За новата авантура, Конте рече: „Со нетрпение чекам да ги сретнам сите во клубот и предизвикот секој ден да работам во Премиерлигата”.

„Сите го следат првенството на Англија и Челси, фановите се страсни и мојата амбиција е да бидам успешен како што бев во Италија”.

„Среќен сум што сега ги соопштивме ваквите вести за се да биде јасно и да нема шпекулации”.

„Јас ќе се фокусирам на мојата работа со репрезентацијата на Италија и ќе зборувам за Челси дури по Европското првенство”.

Извор: 24FUDBAL.com.mk