Шпанија Стратегот на Барселона, Пеп Гвардиола вели дека дуелот со Реал Мадрид не е одлучувачки за титулата но признава дека тој што ќе победи ќе има огромни шанси за успех во Ла Лига
Гвардиола вели дека дуелот со Реал Мадрид не е финале но ги советува своите играчи да играат како на финале бидејќи од резултатот од утрешниот натпревар на Бернабе во голема мера ќе зависи кој ќе биде шампион.
“Ова е натпревар во кој оној што ќе победи ќе му нанесе голем удар на другиот.” – рече Гвардиола.
“Дуелот со Реал е важен но не е одлучвачки, тоа нема да биде финале. Но ќе мора да играме како на финале бидејќи во спротивно можеме да ја изгубиме титулата на Бернабе.”
За минатогодишниот триумф од 6-2 над Реал, Пепе рече: “Мислам дека таа победа е уникатна и неповторлива.”
“На Бернабе треба да одиграме офанзивно. Уште еднаш треба да демонстрираме за што сме способни и дека заслужуваме да ја одбраниме титулата.”
“Мораме да бидеме храбри, да ги нападнеме бодовите, бидејќи тоа е една од причината зошто ние сме горди.”
Запрашан зошто по пласманот во полу-финалето од Лигата на Шампионите им забрани на фудбалерите да зборуваат за Ел Класико, Пеп рече.
“Дуелот со Арсенал беше многу тежок и сакав само да уживаме во успехот. Најдобар начин да се одмориме по исцрпувачкиот натпревар со Топџиите беше да молчиме.”
Powered by: 24 FUDBAL.com.mk
