Италија Потпретседателот на Милан, Адриано Галијани вели дека напаѓачот Александре Пато и тренерот Леонардо ќе останат на Сан Сиро по крјаот на сезоната

Медиумите шпекулираат дека двајцата Бразилци можат да го напушта Милан по крајот на сезоната.

Леонардо се поврзува со селекторското место на Кариоките а Александро Пато е мета на Реал Мадрид и Челзи.

Но потпретседателот на Милан, Адриано Галиани при пристигнувањето во Лига Калчо за медиумите изјави дека Пато и Леонардо остануваат на Сан Сиро.

“Пато штотуку го обнови договорот до 2014 и тој ќе остане во Милан исто како и тренерот Леонардо.” – рече Галиани.

На прашањето што мисли за последните критики на Берлускони, Галијани додаде: “Јас сум задоволен со нашата сезона во Серија А, единствено жалам што имавме многу повреди а не погодоците и поените.”

“Нема да коментирам за изјавите на Берлускони особено што тие не се кажани од него туку се пренесени од други.”

Во Италија во моментов главна тема на разговор е Калчополи скандалот од 2006 откако се открија нови ленти на кои Масимо Морати, Адриано Галијани, Лучијано Спалети и уште неколку други личности разговараат околу арбитрите на натпреварите.

“Во летото 2006 се заколнав дека нема да зборам ништо за Калчополите и планирам да го одржам ветувањето, она што го мислам ќе си го задржам за себе.”

Powered by: 24 FUDBAL.com.mk