Италија | Марио Балотели сака да се врати во стартниот тим, да импресионира и да го натера Милан да го откупи неговиот договор...



Балотели во Милан игра на позајмица од Ливерпул и до сега не успеа да го увери италијанскиот клуб дека треба да го откупи.

Иако до крајот има уште осум кола и шансите да импресионира се многу мали, тој верува дека може да го направи тоа.

Според Газета дело Спорт, Балотели се сретнал со неговиот агент Мино Раиола кој го мотивирал да одигра на највисоко ниво до крајот на сезоната.

„Во последните осум натпревари ќе дадам се од себе да го уверам Милан да ме купи и да заработам место во репрезентацијата за Европското првенство“ - изјавил Балотели.

Балотели се сретнал и со Адриано Галијани на кој исто така му кажал колку е мотивиран за финишот од сезоната.

Но, ретко кој верува дека Балотели може да се промени, да импресионира до крајот на сезоната, да заработи повик во репрезентацијата и да си обезбеди договор со Милан.

Се чини дека најреалната опција за Балотели е во летниот преоден рок да замине во Кина.

Извор: 24FUDBAL.com.mk