Шпанија | Според шпанските медиуми, Валенсија му нуди богатство на Мурињо да седне на клупата на овој клуб откако раководството на Гери Невил му врачи отказ...



Валенсија синоќа остана без тренер, по само четири месеци Гери Невил беше избркан од шпанскиот клуб.

Се верува дека Мурињо ќе биде следниот тренер на Манчестер јунајтед, но Португалецот има повеќе опции, а последните информации велат дека една од нив е Валенсија.

Сопственикот на Валенсија, Питер Лим е во многу добар однос со агентот на Мурињо, Жорге Мендеш. А Лим и Мурињо беа заедно во Сингапур во февруари.

Клубот од Местаља на Мурињо му нуди 19 милиони евра по сезона плус 12,5 милиони евра за потпис на договорот.

Валенсија се поврзуваше со Мурињо и на крајот од минатата година кога Португалецот сеуште беше во Челси. Тогаш Мурињо изјави: „Сопственикот на Валенсија знае дека не сакам да заминам од Челси“.

Сега ситуацијата е поинаква, па останува да видиме дали Мурињо ќе продолжи во Англија или можеби ќе одбере нова дестинација како оваа во Валенсија.

Извор: 24FUDBAL.com.mk