Англија | Фудбалерот на Барселона, Арда Туран го стави Арсенал во рангот на просечни клубови велејќи дека ако не играл добро во Атлетико можел да заврши во дресот на „топчиите“...



Во интервју за каталонскиот весник „Диари Ара“, турскиот фудбалер кој беше цел и на Арсенал го навреди лондонскиот клуб.

„Верував дека можам да потпишам за Барселона. Да бидам искрен си мислев: „Ако играм многу добро ќе потпишам за Барса. Доколку играм просечно, ќе завршам во Арсенал“.

Фановите на Арсенал се најдоа навредени од ваквите зборови на Туран и активно го напаѓаат на социјалните мрежи иако и тие го критикуваат Арсен Венгер за неговата трансфер политика со која никако не можат да ја освојат Премиерлигата или Лигата на шампионите.

Извор: 24FUDBAL.com.mk