ЕУРО 2016 | Дефанзивецот на Ливерпул, Дејан Ловрен одлучи пред време да го прекине загревањето и со неговата постапка го налути селекторот Анте Чачиќ...
Ловрен беше на клупата на пријателскиот натпревар помеѓу Унгарија и Хрватска кој заврши 1-1.
На нему и на сите останати фудбалери кои беа на клупата им беше кажано да почнат да се загреваат за евентуално влегување во игра, Ловрен реши пред време да го прекине тој процес и да се врати на клупата. Постапка која го налути хрватскиот селектор.
Ловрен не влезе во игра, се појавија гласини дека тој го одбил тоа, но селекторот го објаснува целиот случај.
„Не одби да влезе во игра бидејќи и никој не го повика“ - изјави селекторот на Хрватска Чачиќ.
„Но дали мислите дека Ловрен или било кој друг фудбалер треба да одлучи кога да прекине со загревањето? Дали тоа е негова одлука или на тренерот?“.
„Јас и не му реков нему посебно да се загрева, на сите фудбалери кои беа на клупата им реков да го направат тоа бидејќи беше ладно. Па сите тргнаа на загревање“.
„Нема да толерирам такво однесување бидејќи никој не е поважен од тимот. Ловрен направи чекор назад од репрезентацијата“.
„Не зборувавме по натпреварот, ќе видиме што ќе се случи, но не толерирам такво однесување, тој погреши“.
Ловрен со своето однесување ризикува да го загуби местото во националниот тим во пресрет на Европското првенство.
Извор: 24FUDBAL.com.mk
