Македонија | Селекторот на македонската репрезентација до 21 година, Благоја Милевски има само пофалби за своите фудбалери по блескавата партија на гостувањето кај силната француска селекција...
По доаѓањето на Благоја Милевски на селекторската позиција на Македонија до 21 година, репрезентацијата се препороди, почна да постигнува одлични резултати и да биде рамноправна со сите противници.
Така беше синоќа на тешкото гостување кај Франција. Надежите одиграа храбро и се носеа рамо до рамо со една од најдобрите младински селекции во Европа.
„Момците одиграа херојски натпревар, силно се бореа, веруваа во себе и на крајот успеавме да одиграме за честа на Македонија. Рековме дека доаѓаме во Ле Ман да се надигруваме и успеавме во тоа, игравме на победа против состав за кои многумина сметаат дека е најталентираниот во Европа“ - изјави Благоја Милевски.
„Честитки за нашите фудбалери, уште еднаш покажаа како се игра за националниот дрес. Во однос на играта, сето договорено пред натпореварот играчите го спроведоа во целост, беа на нивото на натпреварот, покажаа дека можат да се носат со притисокот што го носи ваков тип на натпревар, а за нас како стручен штаб тоа е многу важно. Благодарност за сите кои искрено не поддржуваа, се надевам дека сега и другите не гледаат поинаку, играчите заслужија почит“.
Извор: 24FUDBAL.com.mk
