Англија | Марк Андре тер Штеген не е задоволен од минутажата на Камп Ноу, па Ливерпул се обидува да го примами на Енфилд нудејќи му двојно поголема плата...



Германецот има силна конкуренција во Клаудио Браво и во моментов мора да се задоволи само со настап во Лигата на Шампионите и Купот на Шпанија, додека Чилеанецот е помеѓу стативите на натпреварите од Примера.

Марк Андре тер Штеген не е задоволен од малата минутажа, и најави дека по крајот на сезоната ќе разговара со лидерите на Барселона.

Ливерпул сака да ја искористи ваквата ситуација и да го донесе голманот во своите редови.

Се говори дека „Црвените“ го примамуваат Марк Андре тер Штеген со неделна плата од 140 000 евра, односно двојно повеќе од тоа што го заработува на Камп Ноу.

Клубот од Енфилд исто така е подготвен на Барселона да и плати и околу 20 милиони евра за услугите на голманот.

Извор: 24FUDBAL.com.mk