МЕНИ

Англија | Ромелу Лукаку ја отфрла можноста одново да го облече дресот на Челси, но затоа пак ја отвара вратата за трансфер во Манчестер јунајтед или Баерн Минхен...

Се говори дека репрезентативецот на Белгија летоска ќе замине од Евертон, а за неговите услуги интерес пројавуваат неколку клубови помеѓу кои Челси, Манчестер јунајтед, Баерн Минхен, Атлетико Мадрид и Јувентус.

Во разговор со весникот Дерние Ер, Ромелу Лукаку сега вели дека нема да се врати во Челси.

„Нема шанси да се вратам во Челси” – вели напаѓачот. „Тоа поглавје е завршено за двете страни”.

Изминатиов викенд, неговиот татко го советуваше да се пресели во Манчестер јунајтед или пак Баерн Минхен.

„Знам зошто го кажал тоа. Кога бев мал, тие беа двата клуба кои ме импресионираа со офанзивната игра”.

„Исто така, Манчестер јунајтед и Баерн Минхен многу му се допаѓаат на мојот татко”.

„Ќе видиме што ќе се случи, но да, убаво е кога вашето име се поврзува со вакви клубови. Тоа е доказ дека тие ги следат моите игри. Останатото е работа за мојот агент”.

Доколку се пресели на Олд Трафорд, Ромелу Лукаку има големи шанси да соработува со Жозе Мурињо, човекот кој не му укажа шанса во Челси и го продаде на Евертон.

„Некои луѓе ќе речат дека ќе треба да го убедам Мурињо, но воопшто не се работи за тоа”.

„Кога бев во Челси има 20 години и не бев подготвен за веднаш да станам главен голгетер на топ клуб”.

„Но неколку добри сезони, вклучувајќи ја и оваа, го променија тоа. Во мај ќе имам 23 години и би можел да заминам летоска”.