Италија | Медиумите од Италија пренесуваат дека „Бјанконерите“ сакаат да го задржат Алваро Мората па се спремни да му платат на Реал Мадрид за напаѓачот да остане во Торино...
Реал Мадрид има опција летоска да го врати Шпанецот во своите редови за 30 милиони евра, и се верува дека „Кралевите“ ќе ја активираат оваа клаузула со цел да го продадат Алваро Мората на друг клуб и да заработат десетици милиони евра.
Јувентус сака да го задржи напаѓачот, па лидерите на „Старата Дама“ ќе седнат на преговарачка маса со своите колеги од таборот на Реал Мадрид.
Медиумите од Италија пренесуваат дека „Бјанконерите“ се подготвени да ја платат евентуалната добивка што Реал Мадрид ќе ја заработи при продажбата на Алваро Мората во Премиерлигата.
Доколку Јувентус и „Кралевите“ успеат да пронајдат заеднички јазик околу тоа колкава ќе биде оваа сума, Алваро Мората ќе остане во Торино и сите страни ќе бидат задоволни.
Извор: 24FUDBAL.com.mk
