Македонија | Селекторот на македонската фудбалска репрезентација, Игор Ангеловски најави дека од своите фудбалери бара победа на пријателскиот меч против Бугарија...



Македонската фудбалска репрезентација утре со почеток од 19 часот игра пријателски меч против Бугарија на Арената Филип Втори.

Бугарија во овој натпревар влегува по големата победа од 1-0 над Португалија, додека Македонија со истиот резултат загуби на гостувањето кај Словенија.

„Имаме почит за Бугарија, станува збор за квалитетна репрезентација која ја победи Португалија, но нашата цел е триумф на овој натпревар“ - изјави Ангеловски на денешната прес конференција.

„Резултатот е најважен, ќе одиграме максимално, ќе бидеме борбени и агресивни со цел да дојдеме до победа од овој меч. Ќе биде тешко, но работиме добро во изминатите денови и очекувам едно добро издание на фудбалерите“.

„Потребна ќе ни биде и поддршката од публиката, затоа ја повикувам да дојде во што е можно поголем број на утрешниот меч“.

Извор: 24FUDBAL.com.mk