Италија | Медиумите од Германија и Италија пренесуваат дека Јувентус и Баерн Минхен си подале рака за трансфер на дефанзивецот Мехди Бенатиа во Торино...



Репрезентативецот на Мароко во 2014 се пресели од Рома во Баерн Минхен, но не успеа да се наметне во првиот состав на Пеп Гвардиола па често се говори за негово враќање во Серија А.

Последните информации велат дека Јувентус и „Баварците“ веќе си подале рака за трансфер на Мехди Бенатиа во Торино.

Како што пренесуваат медиумите од Германија и Италија, дефанзивецот ќе пристигне во Јувентус на позајмица за која „Старата Дама“ ќе плати 2 милиони евра.

„Бјанконерите“ исто така ќе имаат опција во целост да го откупат играчот за додатни 22 милиони евра.

Мехди Бенатиа со Јувентус ќе стави потпис на четири годишен договор и ќе заработува 3 милиони евра по сезона, плус бонуси.

Извор: 24FUDBAL.com.mk