СП 2018 | Бразил и Уругвај ги поделија бодовите во интересен натпревар кој на крајот заврши со резултат од 2:2...
Бразил прокоцка предност од 2:0 не успевајќи да дојде во големи три бода против големиот ривал Уругвај. Гостите дури и се соочија со студен туш бидејќи Бразил поведе уште во 40. секунда од натпреварот со голот на Даглас Коста.
Во 26. минута веќе Бразил имаше сигурно водство од 2:0 благодарение на погодокот на Ренату Аугусту. Сепак, Единсон Кавани по пет минути ја врати неизвесноста.
Уругвај израмни на 2:2 само три минути после паузата и тоа преку Луис Суарес кој се врати во тимот по суспензијата од 9 натпревари. До крајот на натпреварот Уругвајците можеа да стигнат и до комплетен пресврт, но не ги искористија шансите.
На табелата во зоната на Јужна Америка води Еквадор со 13 бодови, Уругвај е втор со 10, Бразил, Парагвај и Аргентина имаат по 8. Првите четири директно ќе се пласираат на Мундијалот, петтопласираниот ќе игра бараж.
Извор: 24FUDBAL.com.mk
