Италија | Медиумите од Аргентина и Италија пренесуваат дека Милан се приклучува во трката за талентираниот Џовани Ло Селсо од Росарио Сентрал...



Сопственикот на Милан, Силвио Берлускони сака „Росонерите“ следната сезона да користат „треквартиста“ и промена на системот кој го применува Синиша Михајловиќ.

Според пишувањата на медиумите од Аргентина и Италија, клубот од Сан Сиро се приклучува во трката за 19 годишниот Џовани Ло Селсо од Росарио Сентрал.

Извештаите велат дека Милан ќе испрати преставници во Аргентина, кои на почетокот од април ќе започнат преговори.

Но зделката нема да биде лесна, со оглед на тоа дека за услугите на талентираниот плејмејкер интерес пројавуваат и Јувентус, Интер, Челси и Манчестер јунајтед, а ПСЖ веќе оствари контакт со Росарио Сентрал.

Се шпекулира дека Милан е подготвен да плати 8 милиони евра, но лесно може да се случи цената на играчот да порасне до 15 милиони евра кога останатите клубови ќе почнат да наддаваат за неговите услуги.

Извор: 24FUDBAL.com.mk