Германија Екипата на Баерн Минхен вчера на својот играч Франк Рибери како роденденски подарок му поклони пенкало со кое се надеваат дека Французинот ќе стави потпис на нов договор

По пласманот во следната фаза од Лигата на Шампионите и елиминацијата на Манчестер Јунајтед, Баварците имаа уште една причина за славење.

Франк Рибери вчера наполни 27 години па по натпреварот на Олд Трафорд, управата на клубот му приреди мала прослава.

Откако францускиот интернационалец дувал во свекичките, управата на Баерн Минхен му дала роденденски подарок.

“Тоа е пенкало.” – рекол претседателот на Баерн, Карл Хајнц Румениге уште пред Рибери да го отпакува поклонот.

“Се надевам дека еден ден со тоа пенкало тој ќе стави потпис на новиот договор.”

Договорот на Рибери со Баерн истекува во 2011 и преговорите за продлжување на истиот сеуште не се започнати.

Доколку поранешниот играч на Марсеј не ја продолжи верноста јасно е дека по крајот на сезоната ќе биде продаден а Реал Мадрид и Барселона се фаворити за негов ангажман.

Powered by: 24 FUDBAL.com.mk