МЕНИ

Италија | Златан Ибрахимовиќ се поврзува со изненадувачки трансфер на Сан Паоло, напаѓачот сака да биде новиот Диего Марадона на Наполи...

Репрезентативецот на Шведска соопшти дека летоска ќе го напушти ПСЖ, па често се говори за неговата иднина.

Манчестер јунајтед се посочува како најсериозен кандидат за потписот на Залтан Ибрахимовиќ, денеска се појавија стории кои велеа дека клубот од Олд Трафорд е подготвен на напаѓачот да му понуди месечна плата од 1 милиони фунти.

Но според шведската новинарка Џенифер Вегеруп, која добро го познава Златан Ибрахимовиќ, напаѓачот би можел да направи изненадувачки трансфер во Наполи.

„Тој апсолутно нема да се врати во Милан” – вели Вегеруп во разговор со Радио ЧРК.

„Доколку Ибра одново заигра во Италија, би можел да го одбере Неапол како следна дестинација”.

„Тоа ќе биде нов предизвик во фасцинантен град од југот. Во неколку наврати ми го има кажано ова”.

„Му се допаѓа градот и фановите, фасциниран е од идејата да ги следи стапките на Диего Марадона”.

„Би ја отфрлила и можноста да се пресели во Кина, а би рекла дека ќе ги одбие и понудите од САД”.

„Никогаш не бил во подобра физичка форма. Прв доаѓа на тренинг и последен си оди, па затоа бара нов предизвик кој ќе го стимулира”.