Шпанија | Напаѓачот на „Кариоките“, Нејмар вели дека посакува летоска да настапи и на Копа Америка и на Олимпијадата па интензивно преговара со сите страни за да добие зелено светло...
Барселона сака да ја заштити својата ѕвезда од евентуална повреда, и играчот добро да ги наполни батериите во пресрет на новата сезона, па преферира Нејмар летоска да настапи само на едно натпреварување.
Но напаѓачот инсистира да настапи најпрво на Копа Америка во јуни, а потоа и на Олимпијадата во Рио де Жанеиро во август.
Зборувајќи на прес конференцијата во пресрет на дуелот со Уругвај, Нејмар уште еднаш потврди каква е неговата намера, и истакна дека интензивно преговара со сите страни за да добие зелено светло.
„Разговарам со сите инволвирани страни за да играм и на Копа Америка и на Олимпијадата” – вели капитенот на Бразил.
„Обично волјата на играчот секогаш надвладува, но овој пат е малку поинаку. Не зависи само од мене”.
„Јасно ставив до знаење дека сакам да играм на двете натпреварувања... Но уште ништо не е одлучено, разговараме на оваа тема со Дунга и Луис Енрике”.
Извор: 24FUDBAL.com.mk
