Италија | Сопственикот на Милан, Силвио Берлускони вели дека Синиша Михајловиќ ќе остане на тренерското столче доколку го победи Јувентус во финалето од Купот на Италија...



„Росонерите“ играат под очекувањата оваа сезона, па во последно време се почесто се говори дека Синиша Михајловиќ ќе замине од Сан Сиро.

Се шпекулира дека тренерот на Сасуоло, Еузебио Ди Франческо е желбата на Милан, но Силвио Берлускони вели дека е подготвен да му укаже доверба на Синиша Михајловиќ.

Сепак, услов за ова е триумф над Јувентус во Купот на Италија.

„Никогаш не сум дал негативна оценка за Михајловиќ” – вели сопственикот на Милан.

„Се жалам кога на теренот ќе видам игра од Милан која не ми се допаѓа”.

„Но не знам зошто медиумите ова веднаш му го препишуваат на тренерот, на тимот или пак на клубот кој не успеал да ги одбере правите играчи”.

„Вината не лежи само во Михајловиќ”.

„Доколку триумфираме во Купот на Италија, тој заслужува да остане”.

Извор: 24FUDBAL.com.mk