Македонија | Александар Трајковски нема да биде во комбинација за пријателскиот натпревар со Бугарија, под знак прашалник се и Горан Пандев, Иван Тричковски и Леонард Жута...



„Црвено-жолтите“ се соочуваат со проблеми во пресрет на вториот контролен натпревар против нашиот источен сосед во вторник во Скопје.

Александар Трајковски доби дозвола пред време да се врати во Палермо по заедничкиот договор помеѓу селекторот на Македонија и стручниот штаб на „Сицилијанците“.

Неизвесни за дуелот со Бугарија се и Горан Пандев, Иван Тричковски и Леонард Жута.

Капитенот на Македонија го пропушти утринскиот тренинг во Словенија откако вчера доби удар во главата и поради оваа повреда беше заменет уште на полувремето.

Иван Тричковски има контузија на градниот кош, а Леонард Жута дисторзија на скочниот зглоб.

Нивната ситуација ќе биде следена, и во следните денови ќе се донесе одлука за тоа дали ќе бидат во комбинација за дуелот со Бугарија.

Стручниот штаб на националниот тим, исто така дополнително ќе реши дали да повика некој друг фудбалер.

Извор: 24FUDBAL.com.mk