Италија | Алваро Мората признава дека неговата иднина е неизвесна и сака што поскоро да знае каде ќе игра следната сезона зошто сака да си купи нова куќа...
Напаѓачот во моментов го носи дресот на Јувентус, среќен е во Торино, но постои можност да се врати во Мадрид бидејќи „Кралевите“ имаат опција да го купат за 30 милиони евра.
Се почесто се говори дека Реал ќе ја активира оваа клаузула во договорот на играчот, но тие нема да му дадат нова шанса на Алваро Мората и ќе го продадат на друг клуб со цел добро да заработат.
Се шпекулира дека Арсенал и Баерн Минхен се спремни да платата 50 милиони евра за услугите на Шпанецот.
Во разговор со Кадена Копе, Алваро Мората сега признава дека неговата иднина е неизвесна и бара што поскоро да дознае каде ќе игра следната сезона зошто сака да си купи куќа.
„Тешко ми е да зборувам за следната сезона, бидејќи не знам каде ќе играм и ситуацијата е чудна” – вели напаѓачот.
„Сакам што поскоро да се реши мојата иднина”.
„Среќен сум во Торино, но ништо не зависи од мена. Сакам што поскоро да знам каде ќе играм, сакам да знам каде да си купам куќа”.
„Враќањето во Мадрид е реална можност бидејќи има клаузула во договорот, и договорите мораат да се почитуваат”.
Извор: 24FUDBAL.com.mk
