Англија | Кристијан Бентеке проговори за тешката ситуација во која се наоѓа на Енфилд, вели дека не разбира зошто не добива поголема минутажа од Јирген Клоп...
Напаѓачот минатото лето пристигна на Енфилд за високи 32,5 милиони фунти, но не успева да се снајде во Ливерпул.
Под водство на Јирген Клоп тој се почесто ја грее клупата, па во разговор со медиумите од Белгија сега признава дека е разочаран од ваквата ситуација.
„Да бидам искрен, стравував дека ќе имам мала минутажа” – вели напаѓачот.
„Од моментот кога пристигна Јирген Клоп, почувствував дека работите дополнително ќе се искомплицираат, и покрај тоа што знаев дека тој ме обожава”.
„Некои од соиграчите ми рекоа дека имам среќа што Јирген Клоп пристигнал бидејќи сигурно ќе играм”.
„Но од она што го имам искусено во животот, знаев дека сè може да се случи, и не погрешив”.
„Тој постојано ми вели дека сум напаѓач кој може да прави сè, да постигнувам голови, да ја држам топката, да играм со глава, двојно да проигрувам со соиграчите...”
„Па доколку го можам сето ова, зошто не играм? Но тој ги избира играчите и јас треба да ги почитувам неговите одлуки”.
„Исто така, кога имате тренер кој вели дека сакал да ве донесе во Дортмунд и малку подоцна се наоѓате во ист клуб и тој ве игнорира, тоа е нешто што не можам да го разберам”.
Извор: 24FUDBAL.com.mk
