ЕУРО 2016 | Фудбалската Федерација на Белгија соопшти дека денешниот тренинг на репрезентацијата е откажан по терористичките напади во Брисел...



„Црвените Ѓаволи“ оваа недела ги започнаа подготовките за пријателскиот натпревар против Португалија на 29. март, но средбата сега е под знак прашалник.

Утрово главниот град на Белгија беше цел на терористички напад, на аеродромот во Брисел одекнаа две експлозии, а подоцна уште една експлозија одекна во метро станица во центарот.

По ваквите настани во кој загинаа преку 20 лица, Фудбалската Федерација на Белгија соопшти дека денешниот тренинг на репрезентацијата е откажан.

„Нашите мисли се со жртвите и нивните семејства. Фудбалот не е важен денеска. Тренингот е откажан” – гласеше пораката на Твитер.

Извор: 24FUDBAL.com.mk