Англија | Според пишувањата на Билд, менаџерот на Арсенал, Арсен Венгер имал состанок со таткото и со агентот на Гранит Џака во Лондон...



Се почесто се говори дека Арсен Венгер летоска би можел да замине од Емирати, но според пишувањата на Билд, Французинот веќе работи на плановите за следната сезона.

Весникот пишува дека менаџерот на Арсенал го идентификувал Гранит Џака од Борусија Менхенгладбах како идеално засилување.

Арсен Венгер изминатиов викенд во Лондон се сретнал со Регип Џака, таткото на Гранит и со агентот на играчот, Енди Грос.

Билд пренесува дека „Топчиите“ се подготвени да одвојат 50 милиони евра за да стигнат до услугите на 23 годишниот репрезентативец на Швајцарија.

Борусија Менхенгладбах ќе добие обесштетување од 43 милиони евра, 5 милиони ќе завршат на сметката на Гранит Џака како бонус, а околу 2,3 милиони евра ќе заработи и агентот Енди Грос за својата улога во зделката.

Доколку се пресели на Емирати, фудбалерот од средниот ред ќе добие плата помеѓу 7 и 8 милиони евра годишно.

Извор: 24FUDBAL.com.mk