Македонија | Македонскиот најдобар фудбалер, Горан Пандев е среќен што повторно е дел од репрезентацијата, вели дека му недостасувала, се надева дека ќе даде свој допринос за многу подобри резултати...
Горан Пандев од денес повторно е дел од македонската репрезентација, се појави на првиот собир и го одработи првиот тренинг пред пријателскиот натпревар со Словенија.
„Чувствувам еден вид позитивна трема, а тоа значи дека овој репрезнтативен дух ми недостасувал. Среќен сум што повторно се ставам во функција на репрезентацијата. Поголем мотив за мене не постои" - вели Горан Пандев.
„Се надевам дека сите ќе ја сфатиме својата задача и ќе бидеме вистински колектив. Атмосферата е навистина пријателска, треба да се трудиме да го подобриме рејтингот кој реално не го заслужуваме. Словенија е квалитетна селекција, мислам дека ќе биде добар натпревар“.
„Последните натпревари за Џенова ги одиграв и го добив потребниот натпреварувачки ритам. Ќе се трудам да помогнам, се надевам дека во иднина сите ќе го дадеме придонесот за некои нови резултати во националниот тим“.
Натпреварот против Словенија се игра во среда со почеток од 18 часот.
Извор: 24FUDBAL.com.mk
