Англија | „Лисиците“ се на добар пат да направат големо изненадување и да ја освојат Премиерлигата, па статистичарите извадија неколку податоци за нивната магична сезона...
Лестер во моментов има 66 бодови по 31 натпревар, односно 41 бод повеќе во одонос на истиот период од минатата сезона, кога беа на последното место на табелата на седум кола до крајот на сезоната.
Во петте најсилни првенства во Европа, само Барселона, Атлетико Мадрид, ПСЖ, Јувентус и Баерн Минхен имаат повеќе бодови од Лестер.
Со 16 голови и 11 асистенции, Ријад Махрез е играчот кој е инволвиран во најмногу погодоци во Премиерлигата оваа сезона.
Махрез исто така има постигнато најмногу погодоци на гостувањата, дури 12, а неговите голови на Лестер му имаат донесено 20 бода, бројка која е најдобра оваа сезона.
Победата кај Палас за Лестер беше 10. триумф на гости оваа сезона, два повеќе од било кој друг клуб во Премиерлигата.
„Лисиците“ се на 18. место кога е во прашање поседот на топката, и на 20. место по процентот на успешни додавања, но се на второто место по бројот на постигнати погодоци со 54 гола.
Лестер направил само 25 измени на стартниот состав, помалку од било кој друг тим во Премиерлигата.
Избраниците на Клаудио Раниери имаат 13 победи со еден гол предност, најмногу во Премиерлигата.
Н’Голо Канте има најмногу успешни стартови и пресечени топки заедно, 97 стартови и 125 пресечени топки.
Извор: 24FUDBAL.com.mk
