Англија | Поранешниот менаџер на Манчестер Сити, Роберто Манчини навива за Лестер во трката за титулата од Премиерлигата...



Лестер е вистински хит на секаде во светот, го освоил и Роберто Манчини, па тој сака тие да завршат како шампиони на Англија пред Манчестер Сити.

Интересно, Роберто Манчини во својата последна година како фудбалер беше член на Лестер за кого одигра четири натпревари, но дури четири години беше тренер на Манчестер Сити.

„Доколку можам да одберам еден, тоа би бил Лестер“ - вели Манчини на прашањето од Би-Би-Си за тоа кој сака да биде шампион на Англија.

„Раниери е добар човек. Многу добро го познава фудбалот. Се надевам дека ќе биде третиот Италијанец кој го направил тоа. За тим како Лестер да ја освои Премиерлигата пред најголемите тимови како Манчестер јунајтед, Челси и Арсенал би било неверојатно“.

Манчини како менаџер на Манчестер Сити не успеа да ја мине групната фаза од Лигата на шампионите, оваа сезона клубот за прв пат стигна до четвртфинале.

„Манчестер Сити има најдобар тим во Премиерлигата во последните четири-пет години, но потребно е време за клубот да биде успешен и во Лигата на шампионите“.

„Дури и ако имате добри фудбалери како Сити, не можеше да ја освоите Лигата на шампионите за две години“.

Извор: 24FUDBAL.com.mk