Луис Суарез проговори за забраната за играње фудбал, вели дека ФИФА го третирала полошо и од хулиган...



Репрезентативецот на Уругвај доби драконска казна од светската куќа на фудбалот откако на мундијалот во Бразил го гризна Џорџо Киелини.

Луис Суарез доби девет натпревари суспензија, како и суспензија од сите фудбалски активности во времетраење од четири месеци.

Напаѓачот на Барселона овој месец конечно ќе настапи за Уругвај на официјален натпревар по пауза од речиси две години.

Во разговор со весникот Ел Обсервадор, Луис Суарез сега проговори за забраната за играње фудбал, вели дека ФИФА го третирала полошо и од хулиган.

„Долго време бев надвор од репрезентацијата, па очигледно е дека со нетрпение чекам да се вратам” – вели фудбалерот. „Исто така, ми олесна што суспензијата конечно заврши”.

„Најлошото е зад мене, и сега е време одново да уживам во играњето за националниот тим, долго време го чекав ова”.

„Ме третираа полошо и од хулиган, бидејќи да му забраните на некого да игра, да тренира, тоа е нешто кое не можам да го разберам”.

„Да бидете суспендирани од сите фудбалски активности четири месеци, да не можете да се појавите на стадион, и да не можете да играте за репрезентацијата две години, тоа е премногу“.

„Нема никаква логика. Речиси е исто лошо како да сум паднал на допинг тест”.

Извор: 24FUDBAL.com.mk