МЕНИ

Лига на Шампиони | За прв пат по 15 години Италија ќе биде без претставник во четвртфиналето на европските натпреварувања, последната надеж згасна на Олимпико каде Спарта Прага го шокираше Лацио победувајќи го со 3-0...

На петочната ждрепка во Нион за Лигата на шампионите и Лига Европа ќе нема италијански тим. На овој неуспех на Италија најмногу се радува Англија која стравуваше дека може да загуби место во Лигата на шампионите.

Во средата Јувентус немаше среќа во Минхен, доколку успееше уште некоја минути да одолее на нападите на Баерн, ќе се радуваше на четврт-финале. В четврток пак Лацио беше фаворит против Спарта Прага, но доживеа тотален дебакл.

Сега на ждрепката од Лигата на шампионите Шпанија ќе има три претставници, Германија два, по еден Англија, Франција и Португалија.

Шпанија три претставници ќе има и во Лига Европа, по еден имаат Англија, Германија, Чешка, Португалија и Украина.

Екипите кои обезбедија место во четврт-финалето од Лигата на шампионите: Барселона, Реал Мадрид, Атлетико Мадрид, Баерн, Волфсбург, Манчестер Сити, ПСЖ и Бенфика.

Екипите кои обезбедија пласман во четврт-финалето од Лига Европа: Виљареал, Атлетик Билбао, Севиља, Ливерпул, Борусија Дортмунд, Спарта Прага, Шахтар и Брага.