МЕНИ

Македонија | Селекторот на Македонија, Игор Ангеловски вели дека враќањето на Горан Пандев во репрезентацијата е од огромно значење за македонскиот фудбал...

Игор Ангеловски денеска го објави списокот за пријателските натпревари против Словенија и Бугарија. По долго време меѓу повиканите е и најдобриот македонски фудбалер, Горан Пандев.

„Горан Пандев ќе биде предводник на селекцијата и тоа е најдобрата вест за македонскиот фудбал. Повратници во тимот се Адис Јаховиќ, како и Мартин Богатинов и Јован Костовски. Имаме проблеми со голманите, Давид Митов е повреден, а во составот се Столе Димитриевски и Мартин Богатинов, кој стандардно брани на Кипар. Приоритет е фудбалерите да се стандардни. Сите што се повикани се стандардни, освен Александар Трајковски кој игра во врвна лига, во тимот сменија многу тренери, но очекувам да се наметне. Проблем е и повредата на Мојсов, кој не може да помогне на овие натпревари“ - изјави селекторот Ангеловски на денешната прес конференција.

„Резултатот е најбитен, иако е пријателски натпревар. Словенија и Бугарија се исклучително квалитетни селекции, ние и понатаму ќе настојуваме да играме со квалитетни противници, се со цел подготвени да бидеме за квалификации. Селекторот на Словенија, Катанец во составот има нови играчи, шест дебитанти, но квалитетни фудбалери. Имаат голем избор, фудбалери кои играат во врвни лиги, Италија, Шпанија, Германија. До последен момент беа во игра за ЕП, тоа јасно говори за каков противник се работи“.

Македонија на 23. март гостува во Копер кај Словенија, а на 29. март играме против Бугарија на Националната арена „Филип Втори“ во Скопје.