МЕНИ

Македонија | Заглавен во општинската лига на Гевгелија, овој клуб со богата историја и традиција денес сврте нов лист...

Форнмиран далечната 1922 година, фудбалскиот клуб Кожуф од Гевгелија за шест години ќе ја прослави стогодишнината. Но, за да не го дочека тој голем момент заглавен во најниската лига, Кожуф почна со планот за издигнување.

Најпрво клубот треба да се избори за влез во Третата Лига Југ, а потоа здравје.

Во прилот целосното соопштение кое клубот го објави на својата фејсбук страница:

Денес Фудбалскиот клуб Кожуф од Гевгелија, член на Општинската фудбалска лига во Гевгелија, започна со подготовки. Од денес, фудбалскиот клуб врти нов лист во својата богата историја. Започнувајќи со денешниот прв тренинг засилен со неколку нови фудбалери ФК Кожуф има за првенствена цел влез во Третата лига Југ. Во присуство на новиот шеф на стручниот штаб, Васе Беќаров, и дел од иницијативниот одбор за формирање на Градско спортско друштво (Ристо Танев, Драган Ристов, Ѓорѓи Карајанов), од кој првиот Ристо Танев и шефот на стручниот штаб - Васе Беќаров се главни „виновници“ за новиот позитивен изглед на ФК Кожуф и во присуство на навивачката група „Фантоми“ сите се едногласни во единствената цел - враќањето на ФК Кожуф на старите патеки.
Во исчекување на 23.03.2016 денот кога треба да се формира Градското спортско друштво, ги повикуваме сите искрени љубители на фудбалот во Гевгелија, да го поддржат клубот на секој начин да се врати на местото каде што припаѓа (во врвот на фудбалска Македонија). Ветерани, љубители, навивачи, доаѓа време кога спортот во Гевгелија со крупни чекори ќе оди напред. Поддржете го проектот Градско спортско друштво. Сите клубови во едно! Да станеме една фамилија! Фамилија Кожуф!

Спортски поздрав