Италија | Со голот од пенал на Игуаин Наполи освои вредни 3 бода во натпревар во кој нашиот Трајковски го одигра само судиското надополнување...



Наполи го возврати ударот. Повторно ја намали разликата со лидерот Јуве на 3 бодови благодарение на минималниот триумф на гости кај Палермо. Творец на победата беше кој друг ако не Гонсало Игуаин кој во 23. минута реализираше удар од белата точка. По корнерот на Жоржињо, Синиша Анџелковиќ претера со влечењето на Раул Албиол.

Нашиот Александар Трајковски беше на клупата и влезе во игра дури во првата минута од петте судиско продолжение. Воедно ова беше и деби натпревар на новиот тренер на екипата, Валтер Новелино.

Лацио со двата гола на ветеранот Мирослав Клозе ја порази Аталанта, тим кој веќе 14 натпревари по ред не знае за победа.

Извор: 24FUDBAL.com.mk