Лига на Шампиони | Масимилијано Алегри проговори за претстојниот реванш против Баерн е како евентуална елиминација би се одразила врз амбициите на клубот...



„Резултатот против Баерн нема воопшто да ни ја промени сезоната. Како што секогаш велам и повторувам, Јувентус единствено мора да ја помине фазата по групи, а потоа во осмина-финалето некогаш ќе ти се падне Баерн, некогаш некој послаб клуб, тоа зависи од ждрепката.“

Јуве е во игра на сите три фронта, но во Лигата на шампиони има многу тешка задача бидејќи после оние 2:2 во Торино ќе мора да оди на победа во Баварија.

„Нормално дека ако завршевме први во групата можеби ќе имавме подобра грешка, но можеби и ќе налетавме на ПСЖ. Сепак, да не заборавиме дека сме во финалето од Копа Италија и сме први во лигата. Во овој момент подобро не можеме.“

Утре вечер Јувентус игра со незгодниот Сасуоло, намерно в петок за да има повеќе дена одмор пред реваншот со Баерн.

„Ќе видиме што ќе се случи. Пред сè треба да одиграме утре. Доколку не поминеме во Лигата на Шампиони, знаеме дека сме дале сè од себе. Доколку ми понуди некој да догураме далеку во ЛШ, а да освоиме два трофеа, јас веднаш би потпишал. Не е едноставно бидејќи Наполи е тука и игра феноменално цела сезона.“

Извор: 24FUDBAL.com.mk